週三, 23 八月 2006
家嘈屋閉
有人話家醜不出外傳，
人地睇我係一個不孝女
我唔會同我阿爸阿媽飲荼﹑唔會同佢地慶祝生日﹑唔會記得父親節同母親節
放工返到屋企，我唔會同佢地講野，亦都唔會講任何野俾佢地聽
我去邊，做咩，佢地唔會知.........
我屋企，本來會有一個人可以同我分擔家嘈屋閉既日子既人
不過，佢好野，佢一個屈尾十走左去，錢冇寄返黎，更加唔駛承擔家變既壓力
本來有兩個人一齊養家，依家得番我一個，唔緊要，我就一個人食晒佢，
我搵幾千我都照俾錢返屋企，因為呢個係我既責任，你，問下你自己做過d乜野..........
佢地打交，我擋
但係，原來我做左咁多野，都仲可以俾人閙拎得少錢返屋企，人地唔養你地，你做咩要閙我
我唔送禮物俾你地，我有錯咩???係你地值得我送野俾你地咩??
當我連生日快樂都唔想同你地講既時候，有冇諗過點解
人地個仔打個電話黎，你地就心花怒放，你問下人地做過d咩，拎過d咩返屋企
你地做過d咩，唔該自己諗下，令我失望透頂，令我根本唔想承認你兩個
你地有咩資格話我態度差，話我唔識尊重你地???
發洩完畢，我依然係我...................
23:00 永久網址 | 留言 (0) | Email this
週一, 21 八月 2006
合辦活動
小童群益會件事終於係尋日順利完成
多謝我老細煩到爆既舉動
獲得既除左睇到人地攪幾百人活動的經驗之外
仲得到兩個雪櫃都裝唔晒既雪條，真係多謝晒
睇怕我公司食成個禮拜都仲得...............哈哈
終於睇完"The Time Traveler's Wife"
好厚好厚又好touching 好touching 既一本novel，
被雙魚座看罷，就只有投入角色的份
作者在故事的後半部開始twist內容的細節，
少少的twisting, 令故事有著耐人尋味的感覺
結局雖不至於太傷感，
但遺憾的感覺久久不散...............男主角死前和死時都太慘了.......
12:55 永久網址 | 留言 (0) | Email this
週六, 19 八月 2006
雜事
今日係公司，簡真就係無聊到爆
雖然我返左呢度咁耐，一個禮拜都有一兩日係咁……..
但係真係有d頂唔順…….
我老細，應該做既野佢唔做
都臨急臨忙running short of time先至黎發癲
大佬呀…..係你自己黎架wor…….學咩人急jei…..
上網bid野個時又唔見你急……….
雖然我真係好鐘意返朝9晚5, 五日工……
又冇咩壓力……..
但係長此落去都真係唔係辦法
隨緣喇………..
15.8.06
係揀黎揀去最後都冇揀到個爛燈棧既狀態下，我終於買到隻ok 好用又唔係真係貴到飛起既護膚品
同Avene相類近既brand, 但係真係唔錯唔錯…..
我仲想買埋個eye-cream tim……yiyiyi
開始想投資但係又係財經白痴既我，
開始用我工餘(within 非常得閒既working hours) 去睇下咩係基金
依家先開始睇基金……真係好排學…..
所以都係諗住一路學一路儲錢
廖創興既零存整付好似唔錯…….
12:05 永久網址 | 留言 (0) | Email this
週一, 07 八月 2006
搭錯車，行錯路
講撘錯車同行錯路既次數比例，我應該比我同年既人多...........
我成日:
搭錯方向﹑落錯車﹑唔記得落車﹑唔知去左邊﹑行錯路﹑認錯路﹑唔記得路﹑唔知邊邊打邊邊..................
我想.................我是天生既地圖白痴...
沒救了...........
每日返工最辛苦既唔係要企，
而係要係SHEK KIP MEI迫上車去太子，
好彩既上到車，唔好彩既可以等3架都迫唔到上去
話說有一日我遲左，但係都好好彩咁搵到卡幾鬆動既
一心諗住有運行，去到太子諗都唔駛諗轉頭又轉到架幾吉既車
架車行下行下: YIYI...點解個站會係綠色既???唔係紅色(旺角)架咩??????
呀....天呀.......我又返返去我最憎既SHEK KIP MEI 站.......
然後要重頭再多做一次每朝早我最憎做既動作.................
點解點解，憑直角同習慣轉車都可以轉錯方向..................
星期六同阿傑去左赤柱，空氣清新，
又有涼風，仲見到日系建築物.........
但呢座竟然係我地政府既運動場，真係O晒咀.....
21:57 永久網址 | 留言 (1) | Email this